Si të dukeni sa më bukur?

modelPërveç preparateve, secila zonjë apo zonjushë ka ndonjë truk të bukurisë së saj. Që të dukeni sa më mirë, ua zbulojmë ne thesarin e mençurisë, kur është fjala për bukurinë. Për ju kemi zgjedhur nëntë rregullat më të rëndësishme, të cilat rekomandohen nga parukierët, grimerët dhe dermatologët.

Uji: Gjithmonë pini lëngje të mjaftueshme. Nuk do të thotë të pini tetë gota në ditë, por aq sa ju duhet për të mos pasur etje. Këshillë ekstra: Pini një gotë ujë para secilit vakt dhe kurrë nuk do të hani tepër.

Mbrojtja nga rrezet ultravioletë: Përdorni kremra mbrojtës, pa marrë parasysh a është moti i vranët, me diell apo me shi. Rrezet dëmtuese të diellit janë shkaktari më i shpeshtë i kancerit të lëkurës, por edhe i plakjes së saj të parakohshme.

Këshillë ekstra: Përdorni kremra të përditshëm me faktor 15 të mbrojtjes nga rrezet ultravioletë. Kjo është më e pakta që mund të bëni për tonin tuaj.

Retinoli: Mundeni të ndikoni në një ton më të bukur edhe kur jeni në gjumë. Ndjeni magjinë e retinolit. Ky përbërës i kremrave stimulon formimin e kolagjenit, mënjanon qelizat e vdekura dhe stimulon qarkullimin e tyre.Këshillë ekstra: Efekti do të jetë i dukshëm, e lëkura do t’ju jetë mirënjohëse.

Kujdesuni edhe për qafën: Njësoj si silleni me fytyrën tuaj, silluni edhe me duart dhe qafën tuaj. Lëkura në qafë është më e hollë dhe ka nevojë për më shumë kujdes, për këtë arsye mos e lini pa u kujdesur për të. Duart gjithashtu, kanë nevojë për kujdes. Këshillë ekstra: Secilën herë kur përdorni krem për fytyrë, merrni edhe pak krem dhe përdoreni në qafë, e pastaj fërkoni duart.

Kremra për nxirje: Përdorni kremra për nxirje të tonit që edhe ai të ndizet dhe të duket i shëndetshëm. Evitoni rrezitjen e tepërta.Këshillë ekstra: Blini losione, të cilat përmbajnë faktorë të nxirjes – do t’i mbulojë venat dhe kapilarët e zgjeruar, e këmbët do t’ju duken më vitalë.

Ushtrimet: Ushtroni muskujt e fytyrës. Kjo është njëkohësisht mënyra më e shpejtë, por edhe më e lirë, të mundësoni qarkullimit e lëkurës, sepse do të formojë një depo të oksigjenit. Kjo do të kontribuojë për një ton më të shëndoshë dhe më të freskët.Këshillë ekstra: Çdo mëngjes, para se të shkoni në punë, kur të pastroni fytyrën dhe dhembët, së paku për dhjetë sekonda bëni grimasa para pasqyrës.

Pemë dhe perime të freskëta: Radikalet e lirë luajnë një rol të rëndësishëm në procesin e plakjes. Bëni pemët dhe perimet e freskëta, të cilat përmbajnë antioksidues, vitamina A, C dhe E, pjesë të ushqimit tuaj.Këshillë ekstra: Antioksiduesit mund t’i përdorni në fytyrë nëpërmjet preparateve të ndryshme.

Modeli i flokëve: Flokët e prera mirë vlejnë më shumë se cilido preparat për kujdes të flokëve. Modeli i flokëve është sikur fustani: Nëse e keni një model që ju rri mirë, stolitë janë të tepërta.Këshillë ekstra: Së paku një herë në vit caktoni termin të një floktar që është i njohur.

Veprat e mira: Nëse bëni diçka që ju bën të ndjeheni mirë, mundësia është e madhe që të keni një fytyrë të lumtur. Studimet kanë zbuluar se personat qe duken të lumtur janë më të dëshirueshëm.Këshillë ekstra: Jini te sjellshëm ndaj personave të dashur, por bëni diçka të mirë edhe për ndonjë kolegë, fqinj.

Më poshtë, mund të KOMENTONI në lidhje me artikullin.


Perkthimet



-->